BO NADAL E MELLORES DESEXOS PARA O 2015!! (vídeo chulísimo do noso Cole)

Botade unha ollada á postal navideña que nos envía o cole. Preciosa!! Podedes atopala no blogue do CEIP A Rúa.

"Biblioteca non apta para maiores" artigo de lecturas recomendadas (El País 13/12/14)

..."Ler é fundamentalmente un síntoma. Dunha imaxinación saudable, do noso interese neste e outros mundos, da nosa capacidade para estar calado e inmóbiles, tamén para soñar espertos" (cita de Mark Haddon sacada do artigo en cuestión)...

Aquí está a ligazón do artigo recomendado...

Concerto de nadal do conservatorio e escola municipal de música de cangas (19/12/14)

Concerto de nadal do conservatorio e escola municipal de música de cangas (o venres, 19 de decembro   ás 20:00 horas)... 

...algún/ha fill@ que outr@ está por ahí metid@...

Nadal na Rúa 2014

Achégase nota informativa da festa de Nadal que organiza a ANPA o vindeiro dia 19: Comezaremos ás 17:00 coa proxección da película “Las Aventuras de Peabody y Sherman” (entrada libre) e despois faremos unha chocolatada. Necesitase colaboración na organización. Os que queirades poñédevos en contacto con Sandra a nai de Aitana de 5 anos ou enviarnos unha mensaxe por Email. 

Aproveito para dicir que está confirmado que as Súas Maxestades de Oriente visiten aos nenos pola mañá!!. 

Grazas pola vosa colaboración!!

https://drive.google.com/file/d/0BxfmEnM1PCbhN0xjaW5vV0RWT2M/view?usp=sharing

Casting infantil para co-presentar a gala do deporte (20/12/14)

Os responsables da fundación Cangas-Deporte buscan un/unha nen@ de entre 8 a 12 anos para que co-presente a "Gala do Deporte Cangas 2014" que terá lugar o día 9/1/15. O casting terá lugar no Auditorio de Cangas o día 20 de decembro en horario de 10h a 13h...

aquí a ligazón con máis información...

Outra recomendación para este domingo (14/12/14)

“Gülliver en el país de Liliput” - centre de títeres de Lleida  (auditorio municipal do concello de Vigo)

Gülliver, soña sempre en facerse ao mar e converterse en capitán de goleta. Ao crecer, poderá vivir a súa primeira aventura que o levará a naufragar e caer prisioneiro dos habitantes de Liliput. Naquel mundo, Gülliver é un xigante e os liliputianos están moi asustados...

http://www.vigocultura.org/es/content/%E2%80%9Cg%C3%BAlliver-en-el-pa%C3%ADs-de-liliput%E2%80%9D-centre-de-t%C3%ADtelles-de-lleida-%E2%80%93-auditorio-municipal-do

Nova recomendación (para o 14/12/14 domingo)

Recomendado a partir de 3 anos. Baseado no conto "As Aventuras de Pinocho" de Carlo Collodi.

Acróbatas, bailarins, actores e cantantes acompáñannos nesta espectacular montaxe. Baseado no popular conto de Pinocho, no que se conxuga a maxia do circo, unha posta en escena sorprendente e a diversión do musical.

http://www.pontevedra.eu/cultura4/pinocho-o-musical

actividade para o Nadal 2014/15

Achégase información de actividade para o Nadal. Impartirase nos coles de San Roque, Castrillón e Hío pola empresa "Arela tempo de Lecer".

https://db.tt/ZnYNkLCL

Cousas que facer c@s nen@s en Pontevedra esta fin de semana...

Culturgal, a Feira das Industrias Culturais, é a gran casa da cultura galega. Moitas cousas que ver e tocar no "Espazo Infantil" (5, 6 e 7 de decembro)...

Musical “La Varita Mágica”, según eles,  o público infantil asiste a unha trepidante historia, onde as personaxes crecen a través dunha morea de aventuras (o 6/12 ás 18:00)...

Comisións Abanca

Despois da reunión do martes, fomos a sucursal de Abanca, para solicitar a devolución das comisións cobradas, e quedaron de dicirnos algo sobre o tema. Ademais preguntamos polos 3€ que cobran de comisión a xente que non ten conta en Abanca. Explicáronnos que o fan para evitar colas nas súas oficinas de xente que non ten conta de Abanca e así saturalas, xa que entenden que facendo unha transferencia dende os seus propios bancos poden cobrarlles as mesmas comisións ou incluso menos. Unicamente non cobran comisións se non poñen o nome no ingreso, o cal para nos non e viable. necesitamos que poñades sempre o nome do alumno e actividade, pois se non seria de tolos adiviñar de quen e cada ingreso.

A Xunta directiva.

Nace ‘RockArtRoll’ para descobrir a arte rupestre: actividade recomendada

...Hai 4.000 anos, os nosos antergos non gravaban discos: gravaban pedras. Así que o proxecto RockArtRoll, aínda que soe a música, vai de arte do Paleolítico. E quere achegar ao gran público aquelas escenas da caza do cervo, mapas do mundo e labirintos máxicos talladas nas rochas do país.

Promovido en colaboración coa mancomunidade "Terras de Pontevedra", Rockartroll quere solucionar un problema: os xacementos puxéronse en valor, pero moi pouca xente vai velos. Así que a iniciativa ven de nacer con rutas en autobús e de sendeirismo, charlas didácticas e ata obradoiros para fabricar as ferramentas ou as armas dos galegos da Idade de Pedra.

WEB

Convocatoria de Asemblea Xeral Ordinaria para o martes 02/12/14

Convócase Asemblea Xeral Ordinaria da Asociación a celebrar o vindeiro martes dia 02 de decembro do 2014 na biblioteca do centro ás 18:45 horas, e en segunda convocatoria ás 19:00 horas. 

ORDE DO DIA:

• Lectura e aprobación, se procede, da acta anterior
• Lectura e aprobación de contas
• Actividades Extraescolares
• Comedor Escolar
• Festa de Nadal
• Problemática cos horarios do autobús
• Reunión mantida co alcalde no colexio
• Suxesestións

A Presidenta.

Outro premio para o noso cole!!!

Parabéns para o profesorado e ao grupo de 6º de primaria do ano pasado (2013/2014) polo premio conseguido co traballo "VIAXE POLO UNIVERSO".

O noso foi un dos centros que resultaron gañadores no primeiro Concurso de "Traballos por Proxectos", convocado pola Dirección Xeral de Centros e RRHH (da Xunta de Galicia), no contexto do "Plan LÍA" de bibliotecas escolares (Lectura, Información, Aprendizaxe) para experiencias levadas a cabo durante o curso 2013/2014.

Ligazón

Festival benéfico organizado por Cáritas (Sábado, 29 de novembro)

O Auditorio municipal de Cangas acolle o sábado 29 un festival benéfico organizado por Cáritas co obxectivo de recadar fondos para axudar ás persoas e familias con menos recursos. A cita será ás 21.00 horas e polo escenario pasarán a sección xuvenil da banda de música Belas Artes, o grupo de danzas Soavela de la Asociación Cultural San Andrés do Hío, Coral Lestonnac, Asociación Mulleres de Moaña, Boombox-Escuela Urbana, escola Cha, Chá, Chá e Carlota e Xesús.

FESTIVAL SOLIDARIO ESCOLA DE DANZA MAITE QUIÑONES (28/11)

A escola de danza Maite Quiñones organiza o venres día 28 un festival benéfico no que todos os fondos se destinarán a "Entre Culturas", unha organización que traballa no ámbito da educación e a infancia e que agora ten un novo proxecto para desenvolver na república do Chad, na África central. O evento será ás 20.00 horas no Auditorio de Cangas, cun programa variado e a entrada custa 2 euros.

Ver a ligazón na prensa

Menú do mes de decembro

Aquí tedes o link do menú do mes de decembro... bo proveito...

ELECCIÓNS AO CONSELLO ESCOLAR (martes 25 de 16:30 a 19:00)

O martes 25 de novembro de 2014, de 16:30 h. a 19:00 h. na  Biblioteca, celebraranse as eleccións ao Consello Escolar do colexio.

Candidaturas presentadas:

• Dona Patricia Barreiro Priego, nai de Sarai (5º).
• Dona Patricia Canabal Rodríguez, nai de Jana (3º) e Elia (5º).
• Dona Eva Cordeiro Pereira, nai de Elena (4 anos)
• Don José Ángel González González, nai de Anxo (5º)
• Don Sergio Alexandre Nunes García, pai de Anxélica (5 anos) e Alexandre (3º).
• Dona Belén María Puime Montero, nai de Alía (4 anos).

Animádevos a participar!

XLI TROFEO DE PEDESTRISMO (7/12/14)

O Club Atletismo Vila de Cangas, co patrocinio do Ilmo. Concello de Cangas, a Fundación Cangas Deporte e a Deputación de Pontevedra, organizan o XLI TROFEO DE PEDESTRISMO - Memorial Pepe Cordeiro, que terá lugar o domingo, día 7 de decembro de 2014. 

Descargar aquí máis información

Concerto-obradoiro infantil “Brinca vai de aquí a acolá!” en Cangas

A Concellería de Cultura do Ilmo. Concello de Cangas xunto coa Rede de Dinamización Lingüística, da Consellería de Cultura , Educación e Ordenación Universitaria da Xunta de Galicia, presentan en Cangas o concerto-obradoiro infantil “Brinca vai de aquí a acolá!”, a sexta proposta de lecer en galego coa que o programa FalaRedes, pechará a edición de 2014 facendo as delicias dos nenos e nenas de 25 concellos. Esta actuación realizarase o venres 21 de novembro as 18:00 horas no Auditorio Municipal de Cangas con entrada gratuíta. https://db.tt/GfpxvkbV

Escritos enviados á Consellaría de Xefatura Territorial

Como anteriormente non se enviara. Axúntase o escrito que se enviou inicialmente ao consello escolar coa proposta que saíu da reunión do 16 de setembro presentada por Xoán Xosé e Serxio. Adxúntase tamén o escrito que se decidiu na reunión de onte a enviar á Consellaría de Xefatura Territorial, que non é máis que o mesmo escrito de Xoán Xosé e Serxio, pero ampliado. Achegaráselle ás asociacións de veciños para que a lean e nos comuniquen se están de acordo ou non, e así asinala e enviala.
Saúdos
https://db.tt/bIZoErJw
https://db.tt/aHDFsUbl

Actividades Nadal 2004-05 do Concellos de Cangas

Achegamos as bases dos distintos certames e actividades propostas dende a Concellería de Cultura e Xuventude para este NADAL 2014/15, das que se informou onte na reunión e un par de propostas mais. Podedes atopar a información tamén do bloge aquí: "bases para carrozas 2015"; "bases para Beléns"; "bases para decoración de rúas"; "actividade para o 23 de decembro" e "decoración de rúas por escolares".

Menú do mes de Novembro

Aquí tedes a ligazón onde se presenta a menú proposto para este mes de novembro. O "menú especial magosto" está incluído.

https://drive.google.com/file/d/0BxfmEnM1PCbhZlRiY3ZyUThGc0k/view?usp=sharing

Menú especial magosto

Infórmannos dende o catering que a raíz da reunión mantida a semana pasada e para que non se repitan os menús os mesmos dias, aproveitaran a festividade de San Martiño, para introducir un menú especial magosto, que será o seguinte:

Crema de cabaza, Cocido e Biscoito de castañas

Nota de prensa enviada aos xornais coa queixa do estado do patio do colexio

Aquí tedes a nota de prensa enviada aos xornais coa queixa do estado de abandono do patio do colexio: https://drive.google.com/file/d/0BxfmEnM1PCbhdVFOdUZNLUdRMkE/view?usp=sharing

"Anpa y colectivos vecinales amenazan con movilizarse si no se acomete la reforma integral del patio de A Rúa" (Faro de Vigo 1/11/14)

..."La Asociación de Nais e Pais (Anpa) del colegio A Rúa califica la situación de "abandono e desleixo total" que padece el patio del centro escolar durante los últimos años y, con las asociaciones de vecinos A Pedreira y Fonte de Cornilló, de Coiro, han solicitado por escrito una reunión con el alcalde para buscar una solución al problema. Si esta no se confirma en el plazo de una semana o de ahí no sale una solución satisfactoria a sus peticiones, los demandantes barajan "a posibilidade de mobilizacións" y otras medidas de presión"...

Ver a noticia completa.

Documento de solicitude de reunión co Sr. Alcalde, para tratar sobre a reforma do patio do noso colexio

Coa base do documento aprobado no Consello Escolar do CEIP A Rúa, a ANPA do CEIP A Rúa, a A.VV. "Santo Domingo da Pedreira" e a A.VV. "Fonte de Cornilló" acordamos exixir ás Administracións competentes a realización dunha reforma integral do patio deste colexio.

Trala exposición dos puntos reclamados se solicitóu unha reunión co Sr. Alcalde para discutir os termos e prazos da reforma no patio da escola. De non producirse unha resposta antes dunha semana desde a presentación desta solicitude (7 de novembro), as asociacións firmantes reuniranse para determinar as accións e procedementos a seguir.

(ver documento)

Adxúntase nota informativa do Cross de Nazaret

A Anpa inscribirá a tódolos nenos e nenas que sexan soci@s, recolleremos as inscripcions ata o día 21 de novembro. @s nen@s que non sexan soci@s terán que inscribilos os seus pais. As inscripcións podedes deixalas no buzon da anpa cos datos requeridos, polo tokapp ou por e-mail.

Un saúdo

https://db.tt/peI9iDHD

VI cross escolar do CEIP Nazaret (CANGAS) (30/11)

A anpa de Nazaret, xunto coa colaboración do club de atletismo vila de cangas, convídavos a participar nas diferentes probas do VI cross escolar do CEIP Nazaret (cangas) que se vai celebrar o vindeiro 30 de novembro, a partir das 10:00 horas da mañá.

Próximo xoves 30/10: reunión co concello e a empresa de cattering

O vindeiro xoves 30, temos reunión de comedor coa empresa de cattering e o concello. Se tedes algún comentario ou suxestión, podedes deixala no noso buzón ou por E-mail (anpa.arua@gmail.com).

Charla-coloquio da Plataforma en Defensa da Sanidade Pública en Cangas

A Plataforma en Defensa da Sanidade Pública convoca a veciñanza de Cangas mañán xoves, 23 de outubro de 2014, ás 19:30 horas, no Salón de Plenos do Concello de Cangas,  a unha charla-coloquio sobre o  novo acordo entre o SERGAS e POVISA (asinado a principios de setembro) e a libre elección de hospital por medio da Instrucción SERGAS 7/2014, na que podemos optar a elexir como hospital de referencia o CHUVI.

CONCERTOS EN FAMILIA 12 de outubro - 21 de decembro (Pontevedra)

Un proxecto que xurdíu para achegar a música aos máis pequenos/as a través de contos e historias, programando estreas absolutas ou xerando espectáculos inéditos que poñen en valor ás agrupacións musicais locais coas que colaboramos habitualmente. 

Na 5ª edición deste ciclo familiar consolidado, serán 4 os espectáculos nos que a música ao vivo correrá a conta da Orquestra Filharmónica Cidade de Pontevedra e a Banda de Música de Pontevedra.

Podesdes mercas as entradas anticipadamente en servinova a un prezo de 5€ (3€ para estudantes, parados, menores e xubilados). No caso de non esgotarse na billeteira ao mesmo prezo. (1h antes no Teatro Principal e 2h antes no Pazo).

"Los 15 lugares gallegos para visitar con niños" (La voz de Galicia 20/08/14)

...un listado moi interesante de 15 lugares imprescindibles para visitar en Galicia... levándoos a eles, por suposto... Cerceda, Marín, Marcelle, Outeiro de Rei, VigoZoo, Salveterra de Miño... Animádevos e suxerir máis!!!!!!!!!!!!!

Taller de escritura creativa, e outras actividades para nen@s en O Manancial

Taller de escritura creativa. Impartida por Oscar Scopa, todos os mércoles ás 20:30 en O Manancial. Inscrición: O Manancial, de 10:00 a 13:00 tl:986392341 / mail: scopaoscar@hotmail.com. Cartel do anuncio: https://db.tt/j5SIFRsT

Escola de pais e nais 2014-2015

O día 14/09 ás 17:00h, charla informativa sobre a ESCOLA DE PAIS E NAIS no cole... comezamos...

Parabéns: @s alumn@s da aula de 6º de primaria do ano pasado e varios dos seus profesor@s gañaron un premio!!

O CEIP A Rúa gaña o premio de Alfabetización Audiovisual, concedido polo Ministerio de Educación, Cultura e Deporte (MECD), polo proxecto "Cineando Ilusións", que levaron a cabo durante o curso 2013-2014 os alumnos/as da aula de 6º de primaria e varios dos seus profesores/as.

Esta é a entrada do Blogue do noso cole con máis información...

Aquí podedes disfrutalo:"Massó no recordo"

Proposta dunha nova actividade: "Capoeira". Prazo ata o venres 17/10

Adxuntamos cartel informativo de nova actividade de Capoeira: https://db.tt/wSMrqjIz. O prezo 10€ socios e 14€ non socios. Os xoves de 16:30 a 17:30. Os interesados, por favor enviade os datos por tokapp, e-mail ou deixadeos no buzon (nome e curso do nen@). Prazo de inscrición ata o venres 17.

Saudos

Suxestión de actividade en colaboración co Centro de Ensino Signos

Actividades da asociación cultural formada por profesionais do ámbito social que levan traballando na península do Morrazo dende o 2007. Para saber máis podedes ir á ligazón Asociación Xirasol.

Nesta ocasión póñense en contacto con nós porque van comezar un nova actividade en colaboración co Centro de Ensino Signos,  deixando esta ligazón: Aula Divertida.

Ficheiro das reformas suxeridas (da reunión extraordinaria do día 16/09/14)

A raíz da reunión extraordinaria do día 16/09/14, suxeríronse unhas reformas que se consideran necesarias. Neste ficheiro encontraredes a presentación coa que se argumentaron as deficiencias.

XIX CROSS ESCOLAR A.D. CASTRO - SAN MIGUEL (Domingo 12 de Octubre, Parque de Castrelos)

ÚLTIMOS DÍAS PARA INSCRIBIRSE EN EL XIX CROSS ESCOLAR A.D. CASTRO - SAN MIGUEL (Domingo 12 de Octubre, Parque de Castrelos)
El Jueves 9 de Octubre finaliza el plazo de inscripción

Para participar puedes hacerlo en:
- Página Web: www.gecastrosanmiguel.com
- El Corte Inglés Departamento de Deporteas (Planta 6ª)

O también puedes enviarnos Nombre, apellidos, año de nacimiento, teléfono y club/colegio a:
Colegio San Miguel II - Tomás Alonso 13 - 36208 - Vigo
E-mail: adcastrosanmiguel@gmail.com

A Plataforma Galega en Defensa do Ensino Público convoca unha concentración o 8 de outubro diante da Consellaría de Educación

A Plataforma Galega en Defensa do Ensino Público acordou convocar unha concentración para o próximo 8 de outubro en Santiago ás 11:horas, diante da Consellaría de Educación, contra os recortes e para pedir unha maior dotación de profesorado nos centros.

Actividades extra escolares ofertadas pola anpa. Horarios definitivos (2014-15)

Finalmente, as actividades extra escolares ofertadas pola anpa, darán comezo a semana que ven, e desenrolaranse da seguinte maneira:

*Danza moderna, grupo de 3 a 7 anos, os luns de 16:30 a 17:30
*Taller lúdico en inglés, grupo de infantil, os martes de 16:30 a 17:30
*Balonmán, primaria, os mércores de 16:30 a 17:30

Ademais, e tamén a partir da semana que entra, empeza a funcionar a aula matinal de 08:15 a 09:30, tódolos luns e martes. Coa posibilidade de ampliarse a mais dias sempre dependendo do nº de nenos ou nenas usuarios. Se necesitas este servizo, non dubides en poñerte en contacto con nós

A Xunta Directiva

Comezo da actividade de Balonmán

Informamos que o vindeiro mércores dará comezo a actividade de Balonmán, en horario de 16:30 a 17:30 

Un saúdo 

A Xunta Directiva

Publicadas as listas d@s alumn@s matriculad@s nas actividades de Cangas Deporte

Ligazón para descargar os listados de alumnos das escolas según o deporte: Atletismo, Baile Deportivo, Baloncesto, Patinaxe, Piragüismo, Psicomotricidade, Taekwondo, Tenis, Vela, Voleibol, Windsurf, Xadrez e Ximnasia...

...as actividades darán comezo a partir da semana do 6 de outubro...

Horario definitivo da actividade de Balonmán

Informámosvos que por decisión da maioría, a actividade de balonman dará comenzo o vindeiro mércores dia 8 de outubro as 16:30h

Un saúdo

Para @s interesad@s en Balonmán

Para a actividade de balonmán, temos o mércores e xoves dispoñible o ximnasio en horario de 16:30 a 17:30. Por favor dinos cal dos días podes asistir ou se podes os dous.

Respóndenos o antes posible

Un saúdo e gracias

A xunta Directiva

Nota para @s interesad@s na piscina

Queremos recordarvos que o vindeiro dia 3 de outubro remata o prazo para recoller no buzon da anpa os interesados en ir a piscina e acollerse a promoción que nos ofertaron.

Adxuntamosvos novamente a información e se vos interesa deixade os datos do voso fillo/a no buzon, ou envianos un e-mail anpa.arua@gmail.com ou contesta a esta mensaxe.

https://db.tt/pSlew9a3

Un saudo

Novas das actividades ofertadas pola Anpa...

Informámosvos que das actividades ofertadas pola Anpa, non se realizaran por falta de grupo minimo as seguintes: Teatro e expresión corporal, Taller ludico en inglés para primaria, Taller infantil e Obradoiro musical. A actividade de Taller ludico en inglés para infantil, comenzará o vindeiro martes dia 7 de outubro. Balonman, tamén ten grupo, avisaremosvos para unificar un dia que sexa axeitado para a maioria. Quedan pendentes Futbito e Danza Moderna

Boa fin de semana

Menús do xantar outubro 2014

Publicados os menús do comedor para o mes de Outubro

Taller para nais de Capoeira para o martes 23/09

O vindeiro martes 23 de setembro, a partir das 16;30h, a asociación de capoeira “Caposolto”, realizará un taller para nais, pais e fillos no pavillón do CEIP A Rua. Estades todos convidados a participar. Adxuntamos pdf informativo.

Este deporte ofrecerase como actividade extraescolar no caso de haber persoas interesadas. 

Por favor avisanos se vas a asistir, moitas gracias https://db.tt/7saBnr2m

Actividades extraescolares 2014-15 da Anpa. Circular informativa

Coa finalidade de poñer en marcha as actividades extraescolares do curso 2014-2015 rogámosvos que devolvades, por medio dos vosos fill@s, o formulario debidamente cumprimentado antes do 26 de setembro, co nome do alumn@, curso e actividades xestionadas pola Anpa nas que esté interesado en participar. Os neno@s poden deixar o formulario no buzón da ANPA.

• TALLER LÚDICO EN INGLÉS
• TEATRO E EXPRESIÓN CORPORAL
• TALLER INFANTIL
• OBRADOIRO MUSICAL
• BALONMAN
• FUTBITO
• DANZA MODERNA E BAILES LATINOS

Descargar a circular completa...

Nota informativa: para @s nen@s interesad@s na actividade da piscina...

Informan dende a piscina que todolos nenos e nenas que estén interesados na actividade, deberán anotarse na anpa. Despois nos remitiremos o listado a piscina. O prazo ata o 30 de setembro. Se queredes que vos Anotemos deixade OS datos do neno ou nena no buzón. Nome, curso

Un saudo

Maria

PROMOCION ANPAS COLEGIOS TEMPORADA 2014-2015 (AQUA2O)

"...

Actividades promocionadas: natacion, zumba y taikic artes marciales
Precios de las actividades: (irán en relación a los niños que se adhieran a la oferta)

los horarios de natacion son: ( los de taikic y zumba de a convenir)
De tarde de lunes a viernes en los horarios siguientes:

                     16'30, 17'15, 18'00, 18'45, 19'30 

De mañana los sabados:

                       A LAS 10'15, 11'00, 11'45, 12'30. 

Cada Niño Vendrá En El Horario Que Le Convenga, Es Decir, Ningún Colegio Tiene Un Horario Estipulado.

..."

Ver máis información....

Oferta de Obradoiros Infantís da Concellería de Xuventude (204-2015)

Dende a Concellería de Xuventude remitimos a información da actividade anual de Obradoiros infantís que se desenvolverán na Casa da Xuventude dende outubro de 2014 a maio de 2015. Un ano máis os Obradoiros Infantís abren as súas portas a nenos e nenas de entre 5 e 12 anos en horario de tarde, de 17.00 a 20.00 hs.

...

Os pais/nais/titores dos/as nenos/as interesados/as en asistir aos Obradoiros Infantís, anotarán aos pequenos/as na Casa da Xuventude de Cangas a partires do martes 16 de setembro, e o curso iniciarase o vindeiro 20 de outubro.

A inscrición farase efectiva unha vez se cubra o formulario de inscrición e se pague a cota anual correspondente de 25 € por 2 horas ou 40 € por 4 horas semanais.

Ligazón para descargar o ficheiro con toda a información...

NOTA INFORMATIVA SETEMBRO 2014 (Tokapp School & Cota Anual)

Aplicación Tokapp School
Tal e como se informou a finais do curso pasado, a anpa comunicará a partir de agora as súas notificacións a través da aplicación Tokapp School. Esta e a circular de actividades que recibiredes en breve, serán as ultimas circulares que se vos envie por esta via (papel). Agradeceriamosvos que nos indicasedes os vosos usuarios de tokapp ou o voso correo electronico o antes posible.
... (máis información no ficheiro a descargar)...

Cota Anual
Informamos a tódolos pais e nais que queiran seguir sendo soci@s ou iniciarse como soci@s da A.N.P.A este curso 2014/2015, que o importe da cota anual é de 15€ por familia, e que a forma de pago farase mediante ingreso bancario nunha oficina de Abanca, no seguinte nº de conta: 2080 5079 83 3040001135.
No ingreso porase en concepto COTA ANPA, NOME DO NENO E O CURSO.

... (máis información no ficheiro a descargar)...

Programa deportivo da Fundación Cangas Deporte (2014-2015)

A Fundación Cangas Deporte, xunto cos clubs dos deportes ofertados, ten programado para o mes de Outubro o comezo da undécima edición do programa onde, a través dos Centros de Educación Infantil e Primaria de Cangas, quérese achegar todas as variedades deportivas existentes no noso concello, e outras novas, para así aumentar a oferta deportiva aos nenos/as e nenas do mesmo. O prazo de recollida de inscricións rematará o venres, día 26 de setembro de 2014 (ás 14.00 h). As inscricións deberán formalizarse nas oficinas da Fundación Cangas Deporte, sitas na Casa da Xuventude de Cangas, de luns a venres, en horario de 09.00/14.00 h.

O prazo de recollida de inscricións rematará o venres, día 26 de setembro de 2014 (ás 14.00 h). As inscricións deberán formalizarse nas oficinas da Fundación Cangas Deporte, sitas na Casa da Xuventude de Cangas, de luns a venres, en horario de 09.00/14.00 h.

Clicade aquí para descargar o listado correspondente ao noso cole...

Menús de setembro

Relación de menús no noso comedor en setembro 2014

Reunión extraordinaria (martes 16 de setembro 2014)

Estimad@s nais e pais,

Co inicio de curso, convocámosvos a unha reunión o vindeiro martes 16 de setembro, ás 18:45h en primeira convocatoria (ás 19h en segunda convocatoria), para explicarvos varios asuntos nos que necesitaremos da vosa axuda para que se poidan levar a cabo:

1. Aula matinal
2. Reforma do patio exterior

Aquelas familias que desexen usar a aula matinal e non poidan asistir á reunión, podedes comunicar o voso interese á ANPA deixando unha nota no buzón ou á dirección do centro.

A Xunta Directiva.

SINDROME DE ASPERGER: Guía práctica para a intervención no ámbito escolar

(Ficheiro pdf)

Documento de regulamento de comedores de xestión indirecta (2014-2015)

Instrucción 2/2014 da secretaría xeral técnica da Consellería de Cultura, Educación e Ordenación Universitaria do 5 de xuño sobre funcionamento dos comedores escolares de xestión indirecta no curso escolar 2014-2015... (ficheiro pdf)

LISTAXE DE LIBROS DE TEXTO 1º E 3º (2014/15)

http://ceiparua.blogspot.com.es/2014/09/listaxe-de-libros-de-texto-1-e-3-201415.html

LIBROS DE TEXTO E OUTROS MATERIAIS (2º,4º e 6º) 2014-15

Ligazón actualizada coa relación dos libros de texto e outros materiais do noso cole....

Calendario escolar 2014/2015

Orde do 13 de xuño de 2014 pola que se aproba o calendario escolar para o curso 2014/15 nos centros docentes sostidos con fondos públicos na Comunidade Autónoma de Galicia.

...E en prensa (cincodias.com)
"...O calendario escolar fixa que os alumnos de segundo ciclo de educación infantil, educación especial educación primaria empezarán as clases o 10 de setembro de 2014 e finalizarán o 19 de xuño de 2015. Para as clases de educación secundaria obrigatoria, bacharelato e formación profesional as clases comezan o 15 de setembro de 2014 e terminan o 19 de xuño de 2015, ambos incluídos.

Vacacións:

• Nadal: dende o día 22 de decembro de 2014 ata o día 7 de xaneiro de 2015, ambos incluídos.
• Entroido: días 16, 17 e 18 de febreiro de 2015.
• Semana Santa: dende o día 30 de marzo ata o 6 de abril de 2015, ambos incluídos..."

Material escolar 2014-15 proposto, para o noso cole

Link do material escolar para o curso 2014/2015

Libros de texto suxeridos 2014-2015, para o noso cole

Libros de texto publicados ata o de agora...

Axudas Comedor 2014/15

O concello de Cangas acaba de abrir o prazo de solicitude de axudas do servizo de comedor escolar para alumnado de educación Infantil e Primaria para o curso 2014-2015. A bonificación pode chegar ao 100% dependendo dos ingresos.

As familias interesadas poderán consultar as bases no propio concello, no Centro Municipal de Benestar Social e na web do concello. As solicitudes pódense recoller no Centro Municipal de Benestar Social e entregaranse no Rexistro Xeral do Concello durante o mes de xullo(do 1 ao 31, ambos inclusive).

Poderán recoller no colexio o certificado de matriculación ata o 11 de xullo.

Convocatoria bolsas necesidades educativas específicas 2014

Informámoslles que o pasado día 19 de xullo no BOE publicouse a convocatoria de axudas para alumnado con necesidade específica de apoio educativo.

Na páxina http://www.mecd.gob.es/ ademais de ter toda a información relativa á convocatoria pódense encher os datos das solicitudes e imprimilas para despois entregalas no centro educativo onde estean matriculados os alumnos (opción que recomendamos).

XXVI CROSS ESCOLAR E POPULAR CEIP PLURILINGÜE TIRÁN

A asociación de Nais e Pais “Madreboa” do C.E.I.P Plurilingüe de Tirán, coa colaboración do Concello de Moaña e o Clube de Atletismo Samertolameu, pon no seu coñecemento que o vindeiro domingo 11 de maio a partir das 10:00h da maná, vai celebrar o XXV Cross escolar e popular.

Premede aquí para ver os detalles da convocatoria...

V CROSS ESCOLAR C.E.I.P. A RÚA

A Asociación de Nais e Pais do Ceip A Rúa, coa colaboración do Clube de Atletismo Vila de Cangas, Clube de Atletismo Morrazo e o propio centro, pon no seu coñecemento que o vindeiro día 23 de marzo, a partir das 10:30 horas da mañá, celebrarase o noso 5º Cross Escolar.

Premede aquí para descargar as bases da convocatoria...

A LOMCE pretende que haxa colexios A, B, C, e Z

A Confederación de Anpas Galegas está en contra do sistema de elección dos directores dos centros educativos que recolle a LOMCE. Segundo o colectivo, "se lle dean as voltas que se lle dean, a realidade é que a administración educativa vai nomear a máis do 50% dos electores do director. Eso é tanto como escoller o director directamente". Así o explicaba nunha entrevista este mércores en Radio Obradoiro o vicepresidente de Anpas Galegas.

ASAMBLEA XERAL EXTRAORDINARIA DA ANPA A RUA 25/02/2014

Comenza a asamblea as 17:00h

Asisten 11 persoas

Unico punto da orde do día “Campaña de promoción da gratuidade universal dos libros de texto no ensino público obrigatorio galego”

MATRÍCULA 2014-2015

Comeza o período de matrícula para o curso 2014-2015

Os postos escolares vacantes están publicados no taboleiro de anuncios do centro.