EXCURSIÓN DE FAMILIAS DA ANPA A RÚA, sábado 21 de setembro, A Guarda

EXPLICACIÓN CAMBIOS NA ORGANIZACIÓN DAS EXTRAESCOLARES NO CEIP A RÚA

 

Pola presente nota a Xunta Directiva da ANPA CEIP A Rúa quere explicar ás familias os cambios que se están a impulsar na posta en marcha das actividades extraescolares implicando á todos os que interveñen neste proceso: Centro, Familias, ANPA e Empresas/Entidades Colaboradoras que imparten as actividades.

En primeiro lugar, aclarar, que con estes cambios non se busca desmarcarse de ningún xeito da colaboración nestas actividades extraescolares. Entendemos son parte importante da vida da escola, e nalgúns casos moi necesarias de cara á conciliación para moitas familias. A ANPA seguirá implicándose como ata agora na posta en marcha de ditas actividades, estando á escoita tanto das necesidades do centro como das crianzas e as familias.

Porén, a propia evolución da nosa sociedade, así como a chegada de novas empresas en entidades colaboradoras a este ámbito, cada unha co seu modo de funcionamento e relación cos Centros e ANPAS; e a curiosidade deste ANPA, fixo patente a necesidade de dotar a esta relación dun marco máis formal.

En concreto, neste último curso, algunha das empresas coas que se realizan as extraescolares solicitou de parte da ANPA a firma dun convenio de colaboración con diferentes cláusulas nas que, entre outras cousas, se detallaba un procedemento a seguir en caso de accidente durante o desenvolvemento da extraescolar. Dito procedemento requiría a intervención de membros da ANPA na xestión do accidente.

Deste punto partiu a nosa inquedanza sobre a normativa vixente ó respecto, pois xurdíronnos moitas dúbidas sobre a capacidade ou idoneidade da ANPA para asinar tal tipo de documentos. Entendemos que non debería ser función dunha ANPA asumir responsabilidades sobre actividades nas que non participa directamente.

Todo isto levou a esta Xunta Directiva, en estreita colaboración co Centro e consultando a Inspección Educativa a indagar no marco legal que ampara o desenvolvemento de ditas actividades.

De este proceso naceu a necesidade de plasmar por escrito un procedemento que aclare e delimite as funcións de cada quen neste proceso de posta en marcha e xestión das actividades extraescolares. Entendemos que como colaboradores que somos, as nosas funcións deben estar delimitadas a aquilo para o que esteamos realmente habilitados.

Na ANPA tod@s somos nais e pais, coas súas formacións específicas (ou non), que pola natureza mesma da relación co centro estamos “de paso” e por iso nos parece importante que os modelos de funcionamento que se establezan sirvan, non só para facilitar e asegurar o presente, senón tamén o futuro.

Entendemos que a xestión das extraescolares e, sobre todo, a responsabilidade que implica non só a súa posta en marcha, senón o seu mantemento e supervisión ó longo do ano escolar non pode nin debe vincular unicamente á ANPA e a lexislación vixente así o certifica.

Orden 22 Xullo de 1997: Capítulo IX: Actividades complementarias y extraescolares.

Decreto 374/1996 de 17 de Outubro: Regulamento orgánico das escolas de educación infantil e escolas de educación primaria: Capítulo IV: Equipo de actividades complementarias e extraescolares.

Decreto 155/2022 de 15 de Setembro de ordenación co currículo da Educación Primaria en Galicia: Disposición adicional cuarta. Tarefas extraescolares.

Por todo isto tomáronse as seguintes decisións respecto das actividades extraescolares, de cara á súa aplicación no vindeiro curso 2024/2025:

* Inclusión dentro nas NOF (Normas de Organización e Funcionamento) do CEIP A RUA dun apartado no que se especifican as funcións que a ANPA asume como súas en dita xestión.

* Definición do papel do Consello Escolar na aprobación das extraescolares.

* Elaboración dunha documentación que será aportada e explicada ás empresas interesadas en impartir actividades extraescolares no CEIP A Rúa na que se aclaran as pautas de funcionamento.

Achegamos a continuación dito documento que contén toda a información relevante sobre a organización.

Próximamente poremos ó día o apartado das extraescolares para este curso, co catálogo das actividades que se nos ofertaron e as instrucións de inscrición.

Quedamos á vosa enteira disposición para a resolución de dúbidas ou aclaracións que vos parezan pertinentes nas canles habituais,

Atentamente,

ANPA A RUA

DOCUMENTO EXPLICATIVO 

DESCARGAR DOCUMENTO

FESTA FIN DE CURSO SÁBADO 15 DE XUÑO

Ola familias

Un ano máis, convidámosvos a participar na festa de fin de curso da nosa escola.

Agardamos por vós este sábado.

Velaí o programa e cartaz da actividade.

Xornadas de portas abertas!

Vinde a coñecer o CEIP A Rúa!

RESUMO DO PROXECTO "SENSIBILIZANDO POLO BO TRATO E A IGUALDADE"

"SENSIBILIZANDO POLO BO TRATO E A IGUALDADE" foi un proxecto que se realizou no CEIP A Rúa da man da ANPA e cola financiación das  axudas destinadas a financiar actividades de promoción da igualdade e deprevención da violencia de xénero, financiada pola Secretaría Xeral de Igualdade en desenvolvemento do Pacto de Estado contra a violencia de xénero, para as asociacións de nais e pais do alumnado de centros educativos de Galicia.

Descargar resumo aquí

MÓLLATE POLOS RIOS!! LIMPEZA DO RÍO SAÍÑAS, domingo 24 de setembro, ás 10.30h

 

17 XUÑO - FESTA DE FIN DE CURSO!!

 

Boas familias, 

aquí tedes os horarios de tódalas actividades da festa do sábado 17 xuño

A partires das 11h en diante:

-Escorregadoiro

-Mercadiño do alumnado de 5º para a súa excursión (postos doce, salgado, sorteos...e moito máis)

-Obradoiro de arte  (patio)

-Música: "Pinchada na rúa". Berto Roros  (patio)

11h exhibición acrobática (pavillón)

11.30h exhibición ioga (pavillón)

12h exhibición taekwondo (pavillón)

12h exhibición guitarra (patio)

12.30h teatro: "La Ceni y Caperu" de Roald Dahl (biblioteca)

13.00h exhibición xadrez (biblioteca)

13.00h festa da escuma

14.00h xantar e xogo libre

16.00h PEZA AUDIOVISUAL   "Así traballan as nosas familias" 2º de primaria (biblioteca)

**Lembrade traer a mantiña de picnic para quedar a comer tod@s xunt@s!!!  

De sobremesa proxéctase o "Pequeno Cinema en Curso" de 2° de primaria.

**Lembrade tamén traer gafas de piscina e chanclas para a festa da escuma 

ROTEIRO ETNOGRÁFICO DO SAÍÑAS - SÁBADO 13 DE MAIO

Este  sábado 13 de maio  celébrase o  Roteiro etnográfico do Saíñas unha andaina para descubrir xuntos os recantos do río e facer escola 😃!

🚸 PERCORRIDO 🚸
🕥 10:30 Saída do parque do Saíñas (parque skate)
•Muíño do Regado
•Muíño de Cornilló
•Fonte e Pontillón de Cornilló
•Antigo lavadoiro e muíño de Gondarán
•Muíño da Graña
•Petróglifo de Gondarán
🕛 12:00 Remate no Ceip A Rúa

🎊 CELEBRANDO 🎊
A festa segue no cole onde o alumnado de 6º montará postos cos que recadar cartiños para a súa excursión:

🧁 Para comer e beber
•aperitivos doces e salgados
•limonada

🧸 O mercadiño
•Xoguetes de segunda man
•Bolsas e neceseres pintadas a man
•Libros

Animádevos e camiñade con nós!!

CONVOCATORIA ASAMBLEA XERAL EXTRAORDINARIA: 04 MAIO

O vindeiro xoves 4 de maio, celebrarase unha Asemblea Xeral Extraordinaria, ás 18:00 en primeira convocatoria, e ás 18:30 en Segunda convocatoria, coa seguinte orde do día:

1. Lectura da acta anterior
2. Gastos extraordinarios fin de curso
3. Cuotas soci@s ANPA
4. Rogos e preguntas

Realizarase de xeito presencial no cole.

28 ABRIL NA BIBLIO: PRESENTACIÓN DO LIBRO "PELLISCOS VIAJA CON SUS EMOCIONES"

A comisión de familias da biblioteca quere convidarvos á presentación do libro "PELLISCOS VIAJA CON SUS EMOCIONES" escrito por Patricia Merchán e ilustrado por María Vilariño.

Vémonos o venres 28 de abril, ás 17:30  na biblioteca do CEIP A RÚA. 

1ª FEIRA DO LIBRO "CEIP A RÚA" -- ADIADO!!

1ª FEIRA DO LIBRO "CEIP A RÚA" -- ADIADO!!

A 1ª Feira do Libro do "Ceip A Rúa" prevista para o domingo 23 de abril queda adiada até a semana de das letras galegas por mor da predicción de chuvias para este fin de semana. 

CHARLA PARA FAMILIAS: INTRODUCIÓN ÁS PRÁCTICAS RESTAURATIVAS

13 OUTUBRO 2022
16:30
Biblioteca CEIP A Rúa

O xoves 13 de outubro temos programado un obradoiro de “Introdución ás Prácticas Restaurativas” para familias. Celebrarase en horario de 16:30 a 19:30 na biblioteca do cole.

Para facilitar a asistencia das familias contaremos con servizo de canguraxe, monitoras/es que realizarán actividades cos nenos e nenas no propio Ceip A Rúa.

A actividade ten aforo máximo que se completará por orde de inscrición polo que é preciso encher este formulario para asistir:

https://forms.gle/VdmAGmvGUbjCjUUL8

 
 

O OBRADOIRO

 Este obradoiro é parte das actuacións do Plan de Convivencia do cole para traballar conxuntamente, nos ámbitos familiar e escolar, a prevención da violencia e a resolución de conflitos.

As familias, ademais de ser parte fundamental na transmisión de valores e coñecementos, deben ser parte do traballo na prevención así como na detección da violencia.

O obradoiro está organizado en dúas partes:

1. Fundamentos teóricos imprescindibles para comprender as bases deste modelo.
   
   
2. Emprego dos círculos de diálogo ou círculos proactivos. Trátase dunha metodoloxía participativa coa que se comparten coñecementos na resolución dialogada de conflitos e se fomentan as relacións positivas entre as persoas participantes.... 

A actividade vai ser dirixida por 2 profesionais que están actualmente a traballar na implantación de modelos deste tipo en diferentes centros educativos de Galicia. 

Nestes vídeos explícase qué son as prácticas restaurativas:

• Prácticas restaurativas en la escuela
  
  
• Prácticas restaurativas en Son Gotleu
  

ANIMÁMOSVOS A PARTICIPAR!

Este obradoiro forma parte dunha Actividade de Promoción da Igualdade e de prevención da violencia de xénero e está subvencionada pola Secretaría Xeral de Igualdade da Xunta de Galicia á Anpa A Rúa.